bechain rhte hai woh log...

Bechain rehte woh log, jinhe saari baatein yaad rehti hain, Sachaiyon mein jeete hain woh, jo yaadein takleef de jaati hain. Waqt aage badh sa jaata hai, magar yaadein wahin thehar jaati hain, Kuch adhoore pal dil ke sheeshe par, dheere-dheere likh jaati hain. Haste rehte hain woh roz sabke saamne, Par raaton ko khud se chup-chup kar baatein kar jaate hain. Taaron se keh dete hain woh baatein, jo logon se keh na paaye, Khamoshi ko apna humsafar bana kar, aansuon ko chhupa jaate hain. Bechain rehte woh log jinhe saari baatein yaad rehti hain, Sachcha hota hai unka dil, jo har dard ko apna bana leta hai. Na shikayat hoti hai, na hi koi sawaal hota hai, Bas yaadon ke bojh tale, har din thoda sa toot jaate hain. Bechain rehte woh log, jinhe saari baatein yaad rehti hain, Sachcha hota hai mann unka, jahan yaadein aur khwaab saath rehte hain.