Ani Nana

O ani Nana, swrapsa ni bagwi nwngby malaima. Achaimani simi nukgui phaimani angba nono pokmannai diba? Nana nwngle borok kahama, Maya boh gwnang. Chwrai kok khnaya bujakgwi kapkhe, yaphar rwo raang. Nwng maimui songtikhlai bwswkse kothok. Ringhorwi chariwo mairang mai kuplung tei ganao bo mui borok. Sanja kwlaitikhe, nogo haphaiya ungkhe bwkhao nini wanama. Thuna jora phaikhe, mukumtitwi sai khna rwo kerang kothoma. Maisingo, thapa hor tongtitwi maidul sokgui charimani. Kwlang thangkha ano saichung tabukle, nangkha ang kirimani. Nini oh goron naithok, khorang kwtwi tei tongmung kwchang by khlai tongmani nok chwngsariwui. Naina mwchwngbo nuk horliya, khwboh khnahorliya, salbrumno yoro ani bwkhani mwktwi. -Nini Kulung