Ang Mainit nga Binignit

Indi dapat gulpihon ubos Kay masinum-ukan, madunlan, mapaso, basi magsururoka Ang dapat himuon, Amat-amaton lang Isa-isa ka kutsara lang Kada isa ka kutsara, huyop-huyupon, itimo, usapon, kag tunlon Kag magsiling, "Manamit ang mainit nga binignit" Ang indi uyon nga sahog, unahon itimo Ang paborito nga sahog, amo ang ipaulihi Hasta nakatunga na Sa nasiling nga pamaagi Indi na masinum-ukan Indi na madunlan Indi na mapaso Indi na magsururoka Sa pag-amat amat, lapit na lang maubos Sa ulihi, pwede mo na higupon kay bahaw na Kung ubos na, mag-inom sang tubig kag magsiling, "Makabusog ang mainit nga binignit." Tandaan, kung luto na ang mainit nga binignit Kaunon na nga daan Subong na! Indi sa bwas, Indi sa sunod adlaw, Indi sa sunod semana, Kay kung mapan-os na, aslum na Masayang lang Kag magsiling na lang "Maaslum ang bahaw nga binignit."