Ama-apa

Chakkol nokkol dake , a'jak a'gil game Aldumitangpajok , ja'delbolchaatjok , Pringni seng'aoni , do'o gisikaoni Kamna ong'katpajok , okna sandiangjok• Apa wachi chake , ama niroksoe Indake tangdilpajok, deko aldupajok, Kokko janggilo ole , cha'spako srombae Detangna ra'bapajok , doktope on'epajok• Kostoko u'ipajae , neng'ako cha'toknikjae Grape rikkitpajok , da'osa ma'siatjok, Gisik dambepae , bimang kiro sikkujae Paako nateng ding'atjok , ma'ako duk on'jok• Mikgilko bano done , gisiko maikai chanchie Sakgipinna mikkangpajok , noksulniko bi'ampajok, An'tangna gangrie , oktango bangbange Maina indake dakjok! chanchion ka'abejok, Saengon tengtoe , grapengon ga'ake Ninapjae sanbejok , ka'sabee de'tomjok, Na'mang simsakpajae, galataiode nisiate A'sak nikpajawajok , salgi nidojawajok• Chotgen maiko on'pile , gamgen groko maidake Sonan sokrikjawajok , hiran dimelainajok Salgin Apa ganggope , pattaskachina suake Angde agansokjajok, kaman a'sak nalsajok•