Ama

Ama -Arun Rupini & Believers Sikhla Bodol, Kali Kumar Para. O Ama kwrwi nwnghai kebo o swngchar kotor mao, Kwrwi nwnghai kebo kubui hamjaknai ano, O Ama kwrwi nwnghai kebo o swngcharo, khairoknai, chubai hamya jora o ano, Kisiwo muthuyawi kwrano muthunai , o ani ama kwrwi nwnghai kebo hamjagwi mannai ano o swngcharo, O ani Ama kwrwi nwnghai kebo khwlai nai kosto ani bagwi , Kotso no kosto hwnyawi satung no satung hwnyawi aje jao Imangno mukthang khwlai na bagwi, O ani naithok Ama kwrwi nwnghai kebo samo tongnai ani, Nwngle tong jao samo ani kaham jorao bo hamya jora o bo, Ma tong go khao khom khom o ani Ama manwi nono ani samo, Kaham wngkha tini ang nini phrwngmung kaham no manwi, O ani kaham Ama nwngno jotoni slai kaham o swngcharo ani bagwi, O Ama Ani khao bo tongo nini bagwi hamjakma, Tongnai angbo nini samo kaham jora o bo hamya jora o bo ,ani langma tongsak. O Jisu hambai nono, Swngcharni joto ni slai kaham buma rwmani bagwi ano. Hambai Jotono no.