Alvida

Alvida hai tumhare iss jahaan ko , Jala diya tumhare mohalle me mere uss makaan ko . Vaada karta hu lautunga jarur, Tumhari doli ko jaate hue dekhunga jarur. Tumhe kho Kar khatm kiya tumhe khone ke dar ko , Tumse dur ho Kar sikha Maine iss jahaan me sabr ko . Yaad aayengi uss nadi ki kinare ki mulaqat humari, Baalo me mehekte hue gazre aur wo pyari si muskaan tumhari . Tumhe kho Kar bhi tumhari hi muntazir hogi , Meri ye mohabbat saare duniya se muktalif hogi. Tum ab bhi hogi Mere nazmo ki jaan - e - ghazal , Mere uss aasman ki rash - qe - Qamar. Kabhi ghane abr aaye to unke piche tumhari hi talash hogi , Aaogi to nahi par phir bhi tumhare aane ki aas hogi . Ye meri likhai aur kuch dil ke tukde Rahe, Muntazir me jee rhe aur saare jahaan se chup Rahe. Chalo ab ye Kalam tod raha hu main , Tumhare intezaar me khud ko kho raha hu main .