Adhoore Se Main

Tum samay, saral sampurn si Main atrikt aadha sa naam koi Tum moun mein bhi arth racho Main shabdon mein khoya viraam koi Tum halki si subah ki roshni Jo andheron ko pighla jaaye Main raat ka thehra hua tukda Jo khud se bhi nazar na mila paaye Tumhari khamoshi mein bhi sukoon tha Jaise gehra sa ek ehsaas Main har lafz mein tumhe dhoondhta raha Par mil na paaya apna hi vishwas Tum poori thi har mod par Na shikayat, na koi sawaal Main khud se hi ladta rehta Har khushi ko karta behaal Tum ne dard ko bhi gale lagaya Jaise wo bhi jeene ka hissa ho Main khushiyon mein bhi dar gaya Jaise sab kuch khona likha ho Kabhi lagta hai tum kahani thi Aur main sirf ek kirdaar Tum ne mujhe maayne diye Main hi samajh na paaya tumhara pyaar Aaj bhi jab waqt theher jaata hai, Aur yaadein dheere se awaaz deti hain Tum samay ki tarah behti rehti ho Main lamhe ki tarah toot ke reh jaata hoon kahin Shayad isi mein sach chhupa hai Tum sampurn thi, ho aur rahogi Main aadha sa hi sahi Par meri har kami mein bas tum hi tum hogi