A'chik a'song

Nitobea A'chik a'song Mikkim rasong gnange, Rongbrak bri rong'grimoni Joka chiring dare• Songdongejok pagitchamrang Tibet a'songoni katbae, Ramao bobil chagrongoba Uamang katja an'pile• Raka A'chik skangonin Tanga gitok sotgrike, Jappa -Jalinpa chasongonin Mil'am seppi jakkipe• Mingsingkua da'onaba Chubegipa Nokrek a'bride , Abong-noga a'ba cha'ram Nitobea biapde• Nitobegipa Balpakramko Nikeode ga'dape , Tuna mikgil sikangpila Dikge bibal muni nangate • Niksengata A'chik a'songko Buring -bolgrim dongpae , Rasong dongnika an'tangko A'chik songo atchie•