Aaj - Kal

Aaj kal zara khoya - khoya sa rehta hu mai.  Kayi sari uljhano se ghira rehta hu mai.  Iss roz baat karne ka dil nhi karta.  Aur jo agar akela rahu bhi, toh dil chahta hai ki koi sath ho.  Najane kyu itna chidchida ho gya hu mai.  Choti choti baaton par gussa karta hu.  Log yeh bhi kehte hai ki mai kuch acha nhi bol sakta.  Mere muh kholte hii jhagda hota hai.  Mai agar kuch kahu toh bura lagta hai.  Log baat karte - karte ub gye hai mujhse.  Ab sirf Haa, hmm, achaa se hii jawab dete hai.  Mai kuch interesting nhi kehta shayad ishiliye baat taal dete hai.  Kabhi kabhi sawal ata hai zehen meh.  Kya sachme mai akela hii rehne ke liye bana hu ?.  Yaa mai itna bura, boring, outdated aur batsurat hu ??  Dar lagta hai mujhe ki jo mera hai woh mujhse chin naa jae.  Gussa ata hai bohot jab yeh sochta hu ki "Mai kyu nhi??".  Kya itni kami hai mujhme.? Akhir Maa bhi yahi kehti hai ki Naalayak hu mai.  Shayad sach kehti hai - Nalayak hu mai.  Boring, outdated, insecure, batsurat aur najane kitne khubiyan hai mujhme.  Muskurahat rakhta hu chehre par jaise kuch hua hi nhi.  Shayad yahi taqdeer hai meri.  Shayad yahi qismat hai meri.