Aahista - Aahista

Aahista aahista sab kuch dhundla hojaega. Woh yaadein....woh pal..sab kuch khojaega. Humari baatein mano jaisi bandh si hojaegi. Tu pareshan hone lagegi mujhse. Meri khamiyan cheekh - cheekh kar apna wajood bataegi. Aahista - Aahista meri nadaniyaan tujhe bewakufiyan lagegi. Kal tak jo tujhe mujhme bohot khub lagta tha. Aahista - Aahista bematlab saa lagne lagega. Shayad isliye liye ki tujhe mujhse koi behtar mila ho. Shayad isliye ki mujhme ab woh baat nhi. Yaa shayad isliye ki tujhe manzil tak pohuchna hii naa ho. Kayi baatein ho sakti hai iske piche. Shayad tera dil ub jaega mujhse. Shayad meri mohabbat kafi naa rahe ki tu ishq karte rahe mujhse. Aur shayad tabhi sab dhundhla hojaega. Humari pehli mulaqat. Humari pehli baat. Pehli baar tera gussa dekhna. Tujhse, mera mohabbat ka izhar. Woh pehli baar tera haath pakadna. Tera pehli baar ruthna aur mera tujhe manana. Tujhe pehli martaba gulaab dena. Pehli baar tere naam par nazm likhna. Pehli baar teri yaadon meh raat jagna. Woh pehli baar tujhe chumna. Woh pehli baar tere godh par sir rakhna. Woh pehli baar.....sirf tera hojana. Aahista - Aahista sab dhundhla ho jaega. Aur rahegi toh bas sirf kuch tute makaan.