25 Saal, Aur Main Khaali Sa

Kal mera birthday hai, Main 25 ka ho jaunga, Par yeh umar toh sirf ginti ban gayi hai, Jisme khushi ka ek pal bhi apna nahi. Na koi job jispe garv kar sakoon, Na bank mein zero se zyada balance, Na maa ke chehre pe muskaan, Na papa ke kandhe pe thapki. Log kehte hain – "Tu smart hai, kuch bada karega," Par har raat sirf ek hi baat dimaag mein goonjti hai – "Kya main sach mein kuch ban bhi paaunga?" Ya phir yeh sapne sirf sochne ke liye the? Zindagi ki race mein sab aage nikal gaye, Main bas ruka raha, Na kismat saath aayi, Na hausla bach paya. Social media pe sabki life perfect dikhti hai, Aur main apni reality se sharminda hoon, Woh “Happy Birthday” messages kal aayenge, Par kya koi puchhega, "Sovan, tu theek hai na?" 25 candles toh jalengi kal, Par ek bhi roshni dil ke andheron tak nahi jaayegi, Main muskurane ki acting zaroor karunga, Lekin aankhon mein aansu chup nahi paayenge. Mirror mein ek aisa chehra dikhta hai, Jo khud se hi poochhta hai – "Tujhse kaha galti ho gayi?" Aur jawab? Sirf khamoshi deta hai. Main Sovan hoon... 25 saal ka, Lekin khud se kitna door ho chuka hoon, Sapne dekhna toh seekha tha, Unmein jeena kabhi aaya hi nahi.